Клаудио Раньери "Лестер" тарихи такрорланишига умид қилмоқда. 2015/16 йилги мавсумда Раньери қўл остидаги "тулкилар" Премьер-лигада ғолиб чиқишди.
"Мен "Лестер"га келганимда уларни "йо-йо" деб аташарди, улар доимо қуйи лигага тушиб, қайтиб келишарди. Президент фақат Премьер-лигадаги ўрнимни сақлаб қолишимни сўради.
Секин-аста 40 очко жамғардик. Йигитларга масъулият билан босим ўтказмасликка ҳаракат қилдим. Биз босқичма-босқич мураббий, жамоа ва мухлислар ўртасидаги ажойиб симбиозни яратдик.
Умид қиламанки, келажакда бошқа "Лестер"лар ҳам пайдо бўлади. Бу қийин бўладими? Умид қиламанки, йўқ. Умид қиламанки, қайсидир жамоа ўзининг етакчи юлдузини топади, ўша йили бошқа йирик лигаларда ҳам барқарор натижалар бўлмайди. Мен буни чин дилдан тилайман, чунки футболнинг бутун гўзаллиги мана шу", - деди “Рома”нинг собиқ бош мураббийи.
