Доннарумма "ПСЖ" билан шартномани узайтиришни афзал кўрмоқда.
26 ёшли дарвозабоннинг парижликлар билан амалдаги шартномаси келаси йили якунига етади. Яқин кунларда клуб вакиллари билан учрашув ўтказиб, италияликнинг келажаги муҳокама қилиниши мумкин.
"ПСЖ"нинг янги шартнома бўйича таклифи дарвозабоннинг ҳозирги маошидан камроқ (10 миллион евродан ортиқ) маошни ўз ичига олади. Доннарумманинг ўзи бу мавсумдаги ажойиб ўйинларига мос келадиган шартлар асосида узайтиришни сўрамоқда.
Журналист Альфредо Педулла хабарига кўра, дарвозабонга "Манчестер Сити", "Бавария" ва Италия клублари қизиқиш билдирмоқда.
"Ювентус" билан мулоқот қилиш мумкин, "Интер" ҳам қизиқиш билдирмоқда, аммо футболчининг агенти Энцо Райоланинг сўзларига кўра, ишлар ҳали музокаралардан нарига ўтгани йўқ.
