"Челси" ярим ҳимоячиси Коул Палмер "Манчестер Сити" билан 2022/2023 йилги Чемпионлар лигасида ғалаба қозонишга бўлган муносабати ҳақида гапирди. Палмер ўша турнирда тўртта ўйинда майдонга тушиб, 137 дақиқани майдонда ўтказди.
"Тўғрисини айтсам, ўзимни Чемпионлар Лигаси ғолиби сифатида ҳис қилмаяпман. Бу мен учун ҳеч нарсани англатмайди. Одамлар бу ҳақда гапиришади, лекин мен бунга аралашмаганман. Албатта, мен гуруҳ босқичида ва бошқа ўйинларда ўйнаганман, лекин ҳаммаси сиз ўйлагандек бир хил эмас", дейди Палмер.
Палмер 2023 йилнинг кузида "Манчестер Сити"дан "Челси"га ўтган. 2024/2025 йилги мавсумда у барча мусобақаларда 46 та ўйинда майдонга тушиб, 15 та гол ва 12 та голли узатмани амалга оширган.
