Мадриднинг "Реал" клуби ҳужумчиси Килиан Мбаппе жамоанинг янги мураббийи Хаби Алонсо билан ишлаш имкониятини интиқлик билан кутмоқда. Эслатиб ўтамиз, испаниялик мутахассис яқинда Бразилия терма жамоасини қабул қилиб олган Карло Анчелотти ўрнини эгаллаган эди.
"Мен Хаби Алонсо билан иш бошлашни интиқлик билан кутмоқдаман. Мен у билан аллақачон бир неча бор гаплашдим," - деди Мбаппе Франция терма жамоаси матбуот анжуманида.
Килиан Испания чемпионатидаги дебют мавсумида 30 та гол урди ва "Олтин бутса"ни қўлга киритди. Шунга қарамай, 26 ёшли ҳужумчи "Реал" билан жамоавий совринларни қўлга кирита олмади.
