Англия терма жамоаси форварди ва сардори Харри Кейн Жаҳон чемпионати - 2026 саралашининг 3-туридан ўрин олган Андорра (1:0) билан ўйинда вингер Нони Мадуэкенинг ўйинига баҳо берди.
Ўйиндаги ягона голда Мадуэке Кейннинг голига ассистентлик қилди.
"Менимча, у бугун рақибга доимий таҳдид бўлди, у ўз ҳисобига голли узатма ҳам ёзиб қўйди. Бизга бундай футболчилар кўпроқ керак. Бизда ажойиб ўйинчилар бор, аммо бизга яккама-якка вазиятда рақибни алдашга қўрқмайдиган ўйинчилар керак. Агар улар тўпни йўқотишса, биз уни қайтариб оламиз ва яна ҳужумга ўтамиз. У жуда яхши ўйнади," - дея Кейннинг сўзларини келтиради Англия терма жамоаси расмий сайти.
