Мадриднинг "Реал" клуби "Аякс" ёшлар тизимидан 16 ёшли марказий ярим ҳимоячи Абделл Уазанни ўз сафига қўшиб олишга яқин турибди. Бу ҳақда AS хабар бермоқда.
Манбага кўра, марокашлик футболчига Нидерландия клуби билан шартномани узайтириш таклифи уч марта берилган, бироқ у "қаймоқранглилар" сафига ўтиш учун рад жавобини берган. Таъкидланишича, 30 июнь куни Уазан эркин агентга айланади, шу сабаб у Испания грандига текинга қўшилиши мумкин.
Уазан 2016 йилдан бери "Аякс" тизимида. Ўтган мавсумда ярим ҳимоячи барча мусобақаларда 20 та ўйинда майдонга тушиб, 7 та гол ва 1 та голли узатмани амалга оширди.
