Madridning "Real" klubi "Ayaks" yoshlar tizimidan 16 yoshli markaziy yarim himoyachi Abdell Uazanni o‘z safiga qo‘shib olishga yaqin turibdi. Bu haqda AS xabar bermoqda.

Manbaga ko‘ra, marokashlik futbolchiga Niderlandiya klubi bilan shartnomani uzaytirish taklifi uch marta berilgan, biroq u "qaymoqranglilar" safiga o‘tish uchun rad javobini bergan. Ta’kidlanishicha, 30 iyun kuni Uazan erkin agentga aylanadi, shu sabab u Ispaniya grandiga tekinga qo‘shilishi mumkin.

Uazan 2016 yildan beri "Ayaks" tizimida. O‘tgan mavsumda yarim himoyachi barcha musobaqalarda 20 ta o‘yinda maydonga tushib, 7 ta gol va 1 ta golli uzatmani amalga oshirdi.