"Болонья" ҳимоячиси Сэм Бёкема жамоани тарк этиш истагини билдирди. Бу ҳақда Football Italia хабар берди.
"Наполи" Бёкемани сотиб олишга тайёрлиги апрель ойида маълум бўлганди. Ўша пайтда бу вариант энг муҳим ва қийин деб ҳисобланган. "Болонья" футболчини қўйиб юборишни режалаштирмаяпти, бироқ Бёкеманинг ўзи раҳбариятдан уни сотишни сўраган.
Ўтган мавсумда "Болонья"нинг Италия кубогидаги шов-шувли ғалабасига Бёкема маълум ҳисса қўшди. 26 ёшли футболчи учун "Наполи" 30-35 миллион евро тўлаши керак.
Ўтган мавсумда Бёкема барча турнирларда 47та ўйин ўтказиб, 2та голга ассистентлик қилган.













