Осиё футбол конфедерацияси 2025/26 йилги футбол мавсумидаги клублар мусобақасида иштирок этиш ҳуқуқини берувчи литсензиатлар номига ойдинлик киритди. Улар орасида Ўзбекистоннинг 17 клуби ҳам бор.
Бу борада Қатар ва Индонезиянинг 18 тадан клуби лицензиялаш жараёнидан муваффақиятли ўтишга эришди. Шунингдек, БАА, Саудия, Ўмон, Вьетнам клублари ҳам фаоллик кўрсатди. Қўшниларимиз Тожикистон ва Туркманистоннинг 2 тадан клуби лицензияга эга чиқди.
Қайд этиш керак, Ўзбекистон 2023/24 йилги мавсум учун 17 талик, 2024/25 йилги мавсумда эса 19 талик кўрсаткич билан қитъанинг энг фаол аъзосига айланганди. Кейинчалик Турон ҳамда Металлург клубларининг ўз профессионал фаолиятига чек қўйиши янги мавсум квоталарининг умумий сонига ўз таъсирини кўрсатди. Қўшимчасига, Париж-2024 йўлланмаси қўлга киритилач, Олимпик футбол клуби ҳам лицензиялаш масаласига алоҳида эътибор қаратмади.
Ўзбекистон Суперлигасида иштирок этаётган барча клублар қаторасига иккинчи циклда тўлиқ кўринишда литсензиатга айланди. Пролига клублари орасидан эса фақатгина Локомотив бунга эришди.
Маълумот учун, Суперлига клублари сони 16 тага етказилгач, “Суперлига ва Пролига регламенти”дан ОФК лицензияга эга чиқа олмаган клубнинг янги мавсумда Суперлигада иштирок эта олмаслиги борасидаги банд олиб ташланган. Яъни, 2026 йилги мавсумда Суперлигада ОФК лицензияси мавжуд бўлмаган клуб ҳам иштирок этиши мумкин. Шунингдек, Суперлиганинг бирор клуби лицензияга эҳтимолий эга чиқа олмаган тақдирида ҳам келаси мавсум чемпионатдаги ўз ўрнини сақлаб қолиши аввалдан белгилаб қўйилган эди.
