Испания терма жамоаси бош мураббийи Луис де ла Фуэнте Португалия терма жамоасига қарши Миллатлар лигаси финал учрашуви натижаларини сарҳисоб қилди.
Испанияликлар асосий вақтда ғалабани сақлаб қола олишмади, қўшимча бўлимларда эса ҳисоб ўзгармади – 2:2.
Пенальтилар сериясида португаллар 5:3 ҳисобида зафар қучди.
"Биз осонлик билан ғалаба қозонишимиз мумкин эди, демак, биз яхши ўйнадик. Биз жуда кучли рақибга қарши тўқнаш келдик, ўзимизнинг энг юқори даражамизни кўрсатдик, буни аллақачон муваффақият деб ҳисоблаш мумкин.
Жамоамизнинг салоҳияти ҳали тўлиқ рўёбга чиқмаган - бизда ёшлар кўп", - дея де ла Фуэнтенинг сўзларини келтиради Gazeta.Ru нашри.
