Саудия Арабистонининг "Ал-Ҳилол" клуби "Рома" футболчиси Анхелиньо учун 20 миллион евролик трансфер таклифи билан чиқди. Бу ҳақда журналист Фабрицио Романо ўз ижтимоий тармоқларида маълум қилди.
Манбага кўра, 28 ёшли испаниялик футболчининг трансфери бўйича музокаралар давом этмоқда. Аввалига "Ал-Ҳилол" Тео Эрнандесни ўз сафига қўшиб олишни режалаштирган эди, бироқ футболчи трансфердан бош тортди.
Анхелиньо А Серияда чап қанот ҳимоячиси сифатида мавсумнинг энг яхши ўйинчиларидан бири сифатида тилга олинмоқда. У барча мусобақаларда 51 та ўйин ўтказиб, 4 та гол урган ва 6 та голли узатмани амалга оширган. Унинг клуби бешинчи ўринни эгаллаб, Европа Лигасига йўлланма олди.
