"Бавария" ўзининг расмий сайтида янги келганлар Жонатан Та ва Том Бишоф Мюнхен жамоаси билан 2025 йилги клублар ўртасидаги жаҳон чемпионатига боришини маълум қилди.
"Биз келишувга эришганимиздан ва Жонатан ҳам, Том ҳам жамоамизнинг бир қисми эканлигидан мамнунмиз. Ҳар иккиси ҳам клублар ўртасидаги жаҳон чемпионатида имкониятларимизни кенгайтиради. Биз барчамиз АҚШда бўлиб ўтадиган янги турнирдан жуда хурсандмиз, у ерда чемпионлик учун даъвогар бўлишни хоҳлаймиз", - деди "Бавария" директорлар кенгаши аъзоси Макс Эберл.
Клублар ўртасидаги жаҳон чемпионати 15 июндан 13 июлга қадар АҚШда бўлиб ўтади.













