"Ливерпуль" ҳужумчиси Дарвин Нуньесга Италия чемпионати клубларида талаб кучли.
Уругвайлик футболчининг хизматларига "Милан" ва "Наполи" клублари қизиқиш билдирмоқда. Инсайдер Маттео Мореттонинг таъкидлашича, "россонерилар" аллақачон эҳтимолий битим шартлари ҳақида маълумот сўраган, аммо иқтисодий сабабларга кўра футболчини қўлга киритиш қийин бўлади. "Наполи" ҳам 25 ёшли форвард учун курашдан чиқмаяпти.
Маълумки, "Ливерпуль" Transfermarkt экспертлари 45 млн еврога баҳолаган Нуньес билан хайрлашишга тайёр. Миш-мишларга кўра, яқинда футболчи Саудия Арабистонининг "Ал-Ҳилол" клубига рад жавобини берган, чунки у Европада ўйнашни давом эттиришга умид қилмоқда.
