"Liverpul" hujumchisi Darvin Nunyesga Italiya chempionati klublarida talab kuchli.

Urugvaylik futbolchining xizmatlariga "Milan" va "Napoli" klublari qiziqish bildirmoqda. Insayder Matteo Morettoning ta’kidlashicha, "rossonerilar" allaqachon ehtimoliy bitim shartlari haqida ma’lumot so‘ragan, ammo iqtisodiy sabablarga ko‘ra futbolchini qo‘lga kiritish qiyin bo‘ladi. "Napoli" ham 25 yoshli forvard uchun kurashdan chiqmayapti.

Ma’lumki, "Liverpul" Transfermarkt ekspertlari 45 mln yevroga baholagan Nunyes bilan xayrlashishga tayyor. Mish-mishlarga ko‘ra, yaqinda futbolchi Saudiya Arabistonining "Al-Hilol" klubiga rad javobini bergan, chunki u Yevropada o‘ynashni davom ettirishga umid qilmoqda.