"Марсель" ярим ҳимоячиси Адриен Рабио яқин орада клубни тарк этишни режалаштирмаяпти.

Миш-мишлар 30 ёшли французнинг А Серияга қайтиши билан боғлиқ эди: баъзи маълумотларга кўра, хавбекнинг трансферига яқинда "Милан"ни қабул қилиб олган Массимилиано Аллегри қизиқиш билдирмоқда. Footmercato нашрининг хабар беришича, Рабьо ўзига бўлган қизиқишларга қарамай, "Марсель"да қолишга қарор қилган.

Адриен Рабио ўтган йилнинг сентябрь ойида "Марсель" сафини тўлдириб, 2025/26 йилги мавсум охиригача шартнома имзолаганди. 2019 йилдан 2024 йилгача футболчи Италиянинг "Ювентус" клубида ўйнаган ва у ерда юқорида тилга олинган мураббий Массимилиано Аллегри билан ишлаган.