"Милан"нинг чап қанот ҳимоячиси Тео Эрнандес тез орада Мадриднинг "Атлетико" клубига қайтиши мумкин.
Яқинда французнинг "матрасчилар" билан келишиб қўйгани ҳақида хабар тарқалди. Журналист Алессио Алаймонинг ёзишича, "Атлетико" "Милан" билан трансфер шартлари бўйича музокараларда илгарилаб бормоқда - томонлар тезлик билан муросага келмоқда.
Тео Эрнандесга Саудия Арабистонининг "Ал-Ҳилол" клуби ҳам даъвогарлик қилган, бироқ 27 ёшли қанот ҳимоячиси Европада қолишни маъқул кўрган.
Эрнандес "Атлетико" тарбияланувчиси ҳисобланади. У 2017 йилнинг ёзида Мадриднинг "Реал" клубига сотилишидан олдин клуб тизимида ўн йил ўтказган.













