Нидерландиялик афсонавий ҳужумчи Марко ван Бастеннинг фикрича, Каталониянинг "Барселона" клуби 17 ёшли юлдузи Ламин Ямал бошқа позицияда ўйнаши керак.
"Ламин қанот ҳужумида ўйнаши бироз ачинарли. У ерда тўпга етарлича эгалик қилмаяпти. Албатта, Ямал бу позицияда ҳам рақиб учун катта хавф туғдирмоқда. Аммо у ҳужум марказида ўйнаганида, жамоасининг ўйинига янада кўпроқ таъсир кўрсатган бўларди. Ўйлайманки, бу унинг фаолиятидаги навбатдаги қадам бўлади," - дея футбол афсонасининг сўзларини келтиради Voetbalzone.
Ўтган мавсумда Ламин "кўк-анорранглилар"нинг 55 та ўйнида иштирок этди. Ҳужумчи 18 та гол ва 25 та голли узатмани ўз ҳисобига ёздириб қўйди.
