"Интер" Хакан Чалханўғлининг ўрнини эгаллаши мумкин бўлган номзодларни ўрганмоқда.
Туркиялик футболчи Саудия Арабистони клубларидан уни ўзига оғдириб олиши мумкин бўлган таклифлар олган. Журналист Оратсио Аккомандо маълумотига кўра, "Интер" Чалхонўғлининг ўрнига "Лацио"дан Николо Ровеллани идеал ўринбосар сифатида кўрмоқда. Муаммо шундаки, римликлар хавбекнинг шартномасида 50 млн евро товон пули кўрсатилган бўлса-да, уни сотмоқчи эмас.
Николо Ровелла ўтган мавсум "Лацио" сафида жами 44 та ўйинда майдонга тушди ва ўз ҳисобига 4 та голли узатмани ёздириб қўйди. Италия терма жамоасининг 23 ёшли футболчиси Transfermarkt талқинига кўра 28 млн еврога баҳоланган.
