"Рома" ярим ҳимоячиси Леандро Паредес ватанига қайтиш ниятини яширмади.
Аргентиналик футболчини қишда "Бока Хуниорс"га қайтиши билан боғлашганди, аммо келишув амалга ошмади. Хавбек ҳамон ўзи учун қадрдон бўлган клубга кўчиб ўтишни истамоқда.
"Албатта, менда ["Бока Хуниорс"га] ўтиш истаги бор, лекин бу фақат менинг қароримга боғлиқ эмас. Клуб президенти Рикельме билан доимий равишда мулоқот олиб бораман," - дейди 30 ёшли футболчи TyC Sports нашрига берган интервьюсида.
Леандро Паредеснинг "Рома" билан амалдаги меҳнат шартномаси келаси йилнинг ярмигача мўлжалланган. Ўйинчи 2015 йилгача "Бока"га тегишли эди.













