"Реал"нинг янги бош мураббийи Хаби Алонсо ҳужумкор ярим ҳимоячи Браим Диас билан шартномани узайтиришни сўраб, клубга мурожаат қилди. Бу ҳақда TodoFichajes портали хабар бермоқда.
Қайд этилишича, Алонсо Диаснинг даражасини юқори баҳолайди. Умуман олганда, "Реал" Браим билан меҳнат шартномасини узайтириш устида ишламоқда. 25 ёшли футболчининг ўзи ҳам кейинги йилларда Мадрид клубида қолишни истамоқда.
Браим Диаснинг амалдаги шартномаси 2027 йилнинг ярмигача мўлжалланган. 2024/2025 йилги мавсумда футболчи 52 та ўйинда майдонга тушиб, олтита гол урди ва шерикларига еттита голли узатмани амалга оширди.













