Мадриднинг "Реал" клуби дарвозабони Тибо Куртуа бўлажак клублар ўртасидаги жаҳон чемпионатидан нималар кутаётгани ҳақида гапирди.
"Қаймоқранглилар" Саудия Арабистонининг "Ал-Ҳилол," Мексиканинг "Пачука" ва Австриянинг "Ред Булл Зальцбург" клублари билан бир гуруҳдан жой олган.
"Ҳар доимгидек, биз турнирда ғалаба қозонишни мақсад қилганмиз. Эҳтимол, биз асосий фаворитлар қаторидамиз ва ғалаба қозонишни истаймиз. Клублар ўртасидаги жаҳон чемпионатида имкон қадар узоқроққа бориш учун қўлимиздан келганини қиламиз. Умид қиламанки, мухлислар кўп бўлади," - дея бельгиялик дарвозабоннинг сўзларини келтиради Madrid Universal.
