Англия чемпиони "Ливерпуль" ва Лондоннинг "Челси" клублари Франкфуртнинг "Айнтрахт" клуби ҳужумчиси Уго Экитик учун пойгада иштирок этмоқда. Журналист Бен Жейкобс берган маълумотга кўра, франциялик футболчи учун курашда ҳозирча "Ливерпуль" етакчилик қилмоқда, гарчи аввалроқ "Челси"да футболчини қўлга киритиш имконияти кўпроқ экани ҳақида хабарлар тарқалган бўлса-да.
Эслатиб ўтамиз, "Айнтрахт" Экитике учун роппа-роса 100 миллион евро товон пули талаб қилмоқда. Шу сабабли ҳозирча ҳеч бир жамоа келишувга эриша олмади. Иккала жамоа ҳам нархни жуда юқори деб ҳисоблайди.
Эслатиб ўтамиз, "Ливерпуль" аввалроқ Бундеслиганинг яна бир иқтидор эгаси трансфери бўйича келишиб олганди - "Энфилд"га Леверкузеннинг "Байер" клубидан ярим ҳимоячи Флориан Вирц АПЛ учун рекорд бўлган 150 миллион евро эвазига келади.
