"Ювентус"нинг сербиялик ҳужумчиси Душан Влахович ҳали келажаги борасида бир қарорга келгани йўқ.
Журналист Альфредо Педулланинг таъкидлашича, 25 ёшли футболчининг келажаги мавҳумлигича қолмоқда. Манбага кўра, Влахович "Фенербахче" таклифини рад этган ва "Милан"нинг янги бош мураббийи Массимилиано Аллегри билан музокара ўтказган, аммо "россонерилар" ҳужумчини сотиб олиш имкониятига эга бўлиш-бўлмаслиги ҳозирча номаълум.
Бу мавсумда Влахович барча мусобақаларни ҳисобга олган ҳолда 41 та ўйинда майдонга тушиб, 15 та гол урди ва бешта голли узатмани амалга оширди.
Transfermarkt портали маълумотига кўра, ҳужумчининг нархи 45 миллион еврони ташкил этади.
