"Yuventus"ning serbiyalik hujumchisi Dushan Vlaxovich hali kelajagi borasida bir qarorga kelgani yo‘q.

Jurnalist Alfredo Pedullaning ta’kidlashicha, 25 yoshli futbolchining kelajagi mavhumligicha qolmoqda. Manbaga ko‘ra, Vlaxovich "Fenerbaxche" taklifini rad etgan va "Milan"ning yangi bosh murabbiyi Massimiliano Allegri bilan muzokara o‘tkazgan, ammo "rossonerilar" hujumchini sotib olish imkoniyatiga ega bo‘lish-bo‘lmasligi hozircha noma’lum.

Bu mavsumda Vlaxovich barcha musobaqalarni hisobga olgan holda 41 ta o‘yinda maydonga tushib, 15 ta gol urdi va beshta golli uzatmani amalga oshirdi.

Transfermarkt portali ma’lumotiga ko‘ra, hujumchining narxi 45 million yevroni tashkil etadi.