Трент Александр-Арнольд "Реал"га ўтиш ҳақида ўз фикрларини испан тилида билдирди.
Бугун 26 ёшли инглизнинг Мадрид клуби футболчиси сифатидаги тақдимоти бўлиб ўтди. Аввалроқ, ҳимоячи янги клуби билан расман шартнома имзолаган эди.
"Бундай имконият учун ҳаммага раҳмат. "Мадрид" билан шартнома имзолаш имконияти ҳар куни бўлавермайди. Бу ҳақиқатга айланган орзу.
"Реал" мухлисларига футболимни кўрсатиш имкониятини интиқлик билан кутяпман. Мен бу ерда ўйин масъулиятини тушунаман. Мен ўз ўйинимни кўрсатиш ва кўплаб унвонларни қўлга киритиш учун қўлимдан келганини қилмоқчиман.
Катта раҳмат ва яшасин "Мадрид!" - деди Александр-Арнольд.
