«Барселона» бош мураббийи Ханс-Дитер Флик клуб раҳбариятидан ПСВ жамоасининг 36 ёшли ҳужумчи қанот ўйинчиси Иван Перишични жамоага қўшишни сўради. Бу ҳақда Mundo Deportivo хабар бермоқда. Маълумот учун, Перишичнинг Нидерландия клуби билан тузган шартномаси 30 июнда якунланади.
Манба хабарига кўра, немис мутахассиси хорват футболчисини жамоага олиб келишни хоҳламоқда, чунки у Перишич ўз тажрибаси, универсаллиги ва рақобатбардошлиги билан жамоага ёрдам бера олади, деб ҳисоблайди. Шунингдек, Флик Перишич жамоа кийиниш хонасидаги муҳитга ижобий таъсир кўрсатишига ишонмоқда.
Немис мураббийи Перишич билан 2019/2020 йилги мавсумда «Бавария»да фаолият олиб борган пайтида бирга ишлаган.
Ўтган мавсумда хорват футболчиси барча мусобақаларда жами 39 та учрашувда иштирок этиб, 16 та гол ва 11 та голли узатма муаллифи бўлди.













