Миланнинг "Интер" клубига ярим ҳимоячи Хакан Чалханўғли бўйича таклиф бўлмади.

Миш-мишларга кўра, 31 ёшли футболчига "Галатасарой" қизиқиш билдирган. Журналист Жанлука ди Марционинг маълум қилишича, турк клуби Чалхонўғлининг трансфери бўйича "нерадзуррилар" билан алоқага чиқмаган. Хавбекнинг Туркияга кўчиб ўтиши ҳақида ҳозирча гап йўқ.

Футболчи билан шартнома имзолашга, бошқа маълумотларга ишонадиган бўлсак, Саудия Арабистони чемпионати вакиллари ҳам қизиқиш билдирмоқда.

Хакан Чалхонўғлининг "Интер" билан шартномаси 2027 йилнинг ярмигача мўлжалланган. Нуфузли Transfermarkt портали мутахассислари тажрибали туркнинг трансфер қийматини 35 млн еврога баҳоламоқда.