"Тоттенхэм" ёзги трансферлар ойнасида таркибни кучайтиришни режалаштирган. "Шпорлар"га яқинда истеъфога чиқарилган Анге Постекоглу ўрнига Томас Франк янги мураббий этиб тайинланди. Журналист Гари Жейкобнинг сўзларига кўра, даниялик мутахассис мудофаа маркази, таянч зонаси ва ҳужум қанотини мустаҳкамлашга умид қилиши мумкин - ҳар бир позиция учун клуб камида бир нафар футболчи сотиб олмоқчи.
"Тоттенхэм" ўтган мавсум якунларига кўра Премьер-лигада 17-ўринни эгаллади. Жамоа Европа Лигасидаги ғалаба орқали Чемпионлар Лигасига йўлланма олди.
Томас Франк "Тоттенхэм" билан 2028 йилгача мўлжалланган шартнома имзолади. Мутахассис бунгача "Брентфорд"да ишлаган.
