"Tottenxem" yozgi transferlar oynasida tarkibni kuchaytirishni rejalashtirgan. "Shporlar"ga yaqinda iste’foga chiqarilgan Ange Postekoglu o‘rniga Tomas Frank yangi murabbiy etib tayinlandi. Jurnalist Gari Jeykobning so‘zlariga ko‘ra, daniyalik mutaxassis mudofaa markazi, tayanch zonasi va hujum qanotini mustahkamlashga umid qilishi mumkin - har bir pozisiya uchun klub kamida bir nafar futbolchi sotib olmoqchi.
"Tottenxem" o‘tgan mavsum yakunlariga ko‘ra Premyer-ligada 17-o‘rinni egalladi. Jamoa Yevropa Ligasidagi g‘alaba orqali Chempionlar Ligasiga yo‘llanma oldi.
Tomas Frank "Tottenxem" bilan 2028 yilgacha mo‘ljallangan shartnoma imzoladi. Mutaxassis bungacha "Brentford"da ishlagan.
