Мадриднинг "Атлетико" клуби ҳужумчиси Хулиан Альварес яқин келажакда клубини ўзгартиришни исташи мумкин.
Аргентиналик футболчи "матрасчилар"нинг Ла Лига ва Чемпионлар Лигасида ғолибликка жиддий даъвогарлик қилишини истамоқда. El Nacional нашри тарқатган хабарга кўра, ҳужумчи мадридликларнинг натижалари яқинлашиб келаётган мавсумда яхшиланмаса, клубни тарк этиш ҳақида ўйлаши мумкин. 25 ёшли футболчига "Барселона" асосий даъвогар бўлиб турибди.
Миш-мишларга кўра, Каталония гранди президенти Жоан Лапорта Хулиан Альварес сиймосида Роберт Левандовскининг бўлажак ворисини кўрмоқда. Яқинда футболчининг агенти унинг "кўк-анорранглилар"га хайрихоҳ эканлигини тан олди.
"Transfermarkt" портали ҳисоб-китобларига кўра, Альвареснинг трансфер нархи 100 млн еврога тенг. Жаҳон чемпионининг шартномаси 2030 йилгача мўлжалланган.
