"Бенфика" марказий ҳимоячиси Николас Отаменди Мадриднинг "Атлетико" клубига ўтиши мумкин.
37 ёшли футболчининг Португалия клуби билан шартномаси шу ойнинг охирида якунига етади. CNN Portugal хабарига кўра, "матрасчилар" аргентиналикни ўз сафига чорлашга тайёр. Жаҳон чемпиони билан шартнома имзолашга шахсан жамоа бош мураббийи Диего Симеоне қизиқиш билдирмоқда, у тажрибали марказий ҳимоячи бўлажак мавсумда мадридликларга фойда келтира олишига ишонмоқда.
Николас Отаменди "Бенфика" сафида 2020 йилдан буён тўп тепиб келаётганди. Бунгача футболчи "Манчестер Сити," "Порту" ва "Валенсия" шарафини ҳимоя қилган.













