39 ёшли Жеймс Милнер «Брайтон» жамоасида қолади. Ярим ҳимоячи клуб билан шартномасини яна бир йилга узайтирди.
Милнер 2023 йили «Брайтон» сафига қўшилган ва жамоа таркибида 24 та ўйинда иштирок этган. Ўтган мавсумда эса у фақатгина 4 та ўйинда майдонга тушди — бу ҳолат август ойида олган жароҳати билан боғлиқ.
Жеймс Англия премьер-лигасида 638 та ўйин ўтказган. У АПЛдаги энг кўп ўйин ўтказган футболчи — Гарет Бэррининг 653 та ўйинлик рекордига етиши учун Милнерга бор-йўғи 15 та ўйин қолган.













