"Монако"нинг ўнг қанот ҳимоячиси Вандерсонга Европанинг номдор клублари қизиқиш билдирмоқда. 23 ёшли футболчи бўйича аллақачон "Барселона", "Манчестер Юнайтед" ва "Тоттенхэм" клубларидан сўровлар келиб тушган. Журналист Валентин Фурлани хабарига кўра, "Монако" бразилиялик футболчи учун 30 млн евро нарх белгилаган.
Вандерсон ўтган мавсумда монегаскликларнинг 41 та ўйинида майдонга тушиб, 2 та гол ва 5 та голли узатмани ўз ҳисобига ёздириб қўйди. Латерал Бразилия терма жамоаси сафида етти марта ўйнаган, жумладан, яқинда Эквадор ва Парагвай билан иккита ўйин ўтказган. Transfermarkt портали мутахассислари футболчининг нархини 20 млн еврога баҳоламоқда.
