Франкфуртнинг "Айнтрахт" клуби форварди Уго Экитике "Ливерпуль"нинг трансфер мақсади бўлиб қолмоқда. Мерсисайдликлар раҳбарияти француз учун пойгадаги жиддий рақобатга қарамай, музокараларнинг муваффақиятли якунланиши учун ўз имкониятларини юқори баҳоламоқда, деб ёзади журналист Флориан Плеттенберг. Шу билан бирга, манбага кўра, "қизиллар" "Айнтрахт"га қимматбаҳо ҳужумчининг трансферини амалга оширишдан олдин бир нечта сотувларни амалга оширишлари кераклигини тушунтиришган. Бу ҳақда Экитикенинг ўзи ҳам эшитган. Сотиладиганлардан бири Дарвин Нуньес бўлиши аниқ.
"Челси" ва "Манчестер Юнайтед" франкфуртликларнинг 22 ёшли юлдузи учун курашдан чиқмайди. "Айнтрахт" ҳар учала инглиз грандига Экитикенинг нархи аввалгидек 100 млн евро эканини маълум қилди.
