Леверкузеннинг "Байер" клуби марказий ҳимоячиси Пьеро Инкапье Мадриднинг "Атлетико" клубига ўтиши мумкин.
Журналист Чобо Альвареснинг хабарларига ишонадиган бўлсак, 23 ёшли футболчи "матрасчилар" сафига бориб қўшилишга қарор қилган. Клублар Transfermarkt портали томонидан 50 млн еврога баҳоланган эквадорлик футболчининг трансфери тафсилотларини келишиб олишлари қолди.
Пьеро Инкапье "Байер" сафида 2021 йилдан буён тўп тепиб келмоқда. Ўтган мавсумда марказий ҳимоячи "доришунослар" сафида барча мусобақаларда 45 та ўйинда майдонга тушиб, 3 та гол ва 2 та голли узатмани ўз ҳисобига ёздириб қўйди. Футболчига аввалроқ Испаниянинг бошқа бир гранди - "Реал" қизиқиш билдираётган эди.













