"Аякс" таянч ярим ҳимоячиси Жордан Хендерсон клубни тарк этиши мумкин. Бу ҳақда De Telegraaf хабар бермоқда.
Манбага кўра, "Аякс" 34 ёшли футболчи билан ёзги трансферлар ойнасида хайрлашиб, янги футболчиларга маошлар миқдорини тўғирлаб бермоқчи. Қайд этилишича, Хендерсоннинг маоши жуда юқори, шу боис клуб фахрийни текинга қўйиб юборишга ҳам тайёр.
Жорий мавсумда Хендерсон барча турнирларни ҳисобга олган ҳолда 45 та ўйинда майдонга тушиб, битта гол урди ва олтита голли узатма муаллифига айланди.
Ярим ҳимоячининг "Аякс" билан амалдаги меҳнат шартномаси 2026 йилнинг ёзига қадар мўлжалланган.
