"Ayaks" tayanch yarim himoyachisi Jordan Xenderson klubni tark etishi mumkin. Bu haqda De Telegraaf xabar bermoqda.
Manbaga ko‘ra, "Ayaks" 34 yoshli futbolchi bilan yozgi transferlar oynasida xayrlashib, yangi futbolchilarga maoshlar miqdorini to‘g‘irlab bermoqchi. Qayd etilishicha, Xendersonning maoshi juda yuqori, shu bois klub faxriyni tekinga qo‘yib yuborishga ham tayyor.
Joriy mavsumda Xenderson barcha turnirlarni hisobga olgan holda 45 ta o‘yinda maydonga tushib, bitta gol urdi va oltita golli uzatma muallifiga aylandi.
Yarim himoyachining "Ayaks" bilan amaldagi mehnat shartnomasi 2026 yilning yoziga qadar mo‘ljallangan.













