Лондон шаҳрида шахматнинг рапид йўналишлари бўйича жамоавий Жаҳон чемпионати якунига етди. Унда дунёнинг энг кучли 55 жамоаси қаторида Ўзбекистон терма жамоаси ҳам иштирок этади.
3 кун давомида 12 та тур баҳслари ўтказилди. Битта турда ҳар бир жамоа сафида 6 нафардан шахматчи дона сурди. Ўзбекистонликлар ўйинларнинг 7 тасида ғалаба қозонишган бўлса, 3 та ўйинда дуранг қайд этилди. Жамоамиз 2 та ўйинда имкониятни бой берди. Натижада Ўзбекистон жамоаси 17 очко тўплади (ғалаба учун 2 очко, дуранг учун - 1 очко) ва 4-ўринни қўлга киритди.
Шунча очко тўплаган Freedom жамоаси қўшимча кўрсаткичга кўра 3-ўрин эгасига айланди. "Team MGD1" жамоаси 21 очко билан чемпионликни қўлга киритган бўлса, "Hexamind Chess Team" эса 20 очко билан кумуш медалга эга чиқди.
Мусобақанинг ўтган йилги ғолиби "WR Chess Team" бу сафар 17 очко билан 5-поғонани қайд этди. Нодирбек Абдусатторов айнан сўнгги турда "WR Chess Team" жамоасининг 1-рақамли шахматчиси Алиризо Фирузжани аламли тарзда мағлубиятга учради. Франциялик спортчи эндшпилда оддий вазиятда қўпол хатога йўл қўйди.
Бугундан блиц баҳсларига старт берилади.
Ўзбекистон терма жамоаси шарафини қуйидаги шахматчилар ҳимоя қилмоқда:
Абдусатторов Нодирбек (2732/2694)
Синдаров Жавоҳир (2668/2626)
Қосимжонов Рустам (2641/2603)
Якуббоев Нодирбек (2547/2563)
Воҳидов Шамсиддин (2519/2581)
Тоҳиржонова Гулрукҳбегим (2282/2110)
Имомқўзиева Нилуфар (1943/2066)
Ҳамдамова Афруза (2406/2268).
