Мюнхеннинг "Бавария" клуби ҳимоячиси Ким Мин Жэ Бундеслигани тарк этиб, фаолиятини Англия Премьер-лигасининг топ-клубида давом эттириши мумкин. Бу ҳақда инсайдер Кристиан Фальк хабар бермоқда.
Манбага кўра, 28 ёшли ҳимоячининг хизматларига "Манчестер Юнайтед" ва "Ливерпуль" клублари қизиқиш билдирмоқда. Шу билан бирга, томонлар ўртасида ҳали аниқ музокаралар ўтказилмаган.
Жэ Мюнхен гранди билан 2028 йил ўрталаригача меҳнат мажбуриятлари билан боғланган. Transfermarkt портали баҳосига кўра, ҳимоячининг бозор нархи 40 миллион еврони ташкил этади.
Ўтган мавсумда футболчи "Бавария" сафида 43 та баҳсда қатнашиб, ўз ҳисобига 3 та гол ёздириб қўйган.
