Мадриднинг "Атлетико" клуби ярим ҳимоячиси Родриго Де Пауль клублар ўртасидаги жаҳон чемпионати доирасидаги Франциянинг "ПСЖ" клубига қарши ўйиндан нима кутаётгани ҳақида гапирди.

"Биз Европанинг амалдаги чемпиони - буюк мураббийга эга буюк жамоа билан ўйнашимиз керак. Аммо ҳар бир жамоанинг бизда бўлгани каби заиф нуқталари бор, уч очко билан бошлаш учун шунга урғу беришга ҳаракат қиламиз, бу муҳим бўлади," - дея Де Паулнинг сўзларини келтиради Mundo Deportivo.

Футболчи испанияликларнинг кайфиятига эътибор қаратди ва "Атлетико" бутун турнирни охиригача босиб ўтишига умид билдирди.