"Бетис" ҳимоячи Анхель Ортис билан янги узоқ муддатли шартнома имзолаганини эълон қилди.
Келишув 2029 йилнинг июнигача мўлжалланган, дея хабар бермоқда испан клуби расмий сайти. Клуб 20 ёшли Ортисни жамоани тарк этиб, Қатарнинг "Ал-Дуҳайл" клубига ўтган Юссуф Сабалига ўринбосар сифатида кўрмоқда. Ортис ўтган мавсумда биринчи марта "Бетис"нинг асосий таркибида майдонга тушди ва Ла Лигада бешта ўйин ўтказиб, ўзини ҳимоянинг истиқболли ўйинчиси сифатида кўрсатди.
"Бетис" Испания чемпионатида 60 очко жамғариб, мавсумни 6-ўринда якунлади. Шунингдек, жамоа УЕФА Конференциялар лигаси финалига қадар этиб борди ва "Челси"га 1:4 ҳисобида имкониятни бой берди.













