Бильбаонинг "Атлетик" клуби раҳбарияти Нико Уильямс ва "Барселона" вакиллари ўртасида эҳтимолий музокаралар бўлиб ўтгани ҳақидаги маълумотлар фонида ҳайратда қолганини билдирди.
Бу ҳақда Sport.es нашри ёзмоқда. Манбага кўра, Испания терма жамоаси форвардининг агенти Каталония клуби спорт директори Деку билан учрашув ўтказган. Шу билан бирга, унинг таъкидлашича, Барселонага ташриф шахсий характерга эга бўлиб, трансфер масалалари билан эмас, балки дўстларникига сафар билан боғлиқ бўлган.
Миш-мишларга қарамай, "Атлетик"дагилар Уильямснинг клубдаги фаолиятини давом эттиришига ишонишмоқда. Футболчининг клуб билан 2027 йилнинг ёзига қадар амалдаги меҳнат шартномаси бор ва унинг товон пули 62 миллион еврони ташкил этади.
