Франциялик ҳужумчи Матис Тель фаолиятини Англия Премьер-лигасида давом эттиради.
Инсайдер Фабрицио Романонинг ёзишича, "Тоттенхэм" "Бавария" билан 20 ёшли футболчининг ҳуқуқларини тўлиқ сотиб олиш бўйича келишувга эришган. Трансфер суммаси 35 миллион еврони ташкил этади. Transfermarkt портали ҳам футболчини айнан шу суммага баҳоламоқда.
Тель 2025 йилнинг февралида ижара асосида Лондон жамоасига ўтган. "Тоттенхэм"даги фаолияти давомида форвард барча мусобақаларда 20 та ўйин ўтказиб, 3 та гол ва 1 та голли узатмага муаллифлик қилган. "Бавария" тизимида Тель 2022 йилдан бери фаолият юритиб келаётганди, у Франциянинг "Ренн" клубидан "Бавария"га ўтганди.
