"Наполи" "Ливерпуль"дан Дарвин Нуньес ва Федерико Кьезани сотиб олишни мақсад қилган ҳолда, икки томонлама трансфер имкониятини кўриб чиқмоқда.
Бу ҳақда La Repubblica нашрига таяниб, TEAMtalk хабар берди. Манбага кўра, инглиз клуби ҳар икки футболчи билан хайрлашишга тайёр ва тахминан 105 миллион евро ишлаб олмоқчи. Неаполликлар кейинги ҳафтадаёқ расмий таклиф юборишлари мумкин. "Наполи" бош мураббийи Антонио Конте шахсан ҳужум чизиғини кучайтиришдан манфаатдор. У Нуньес ва Кьезани ҳужумларни якунлашда жамоа самарадорлигини сезиларли даражада ошириши мумкин бўлган футболчилар деб ҳисоблайди.
Федерико Кьеза "Ливерпуль" сафига ўтган ёзда келиб қўшилганди, аммо ҳозирча ишончни оқлай олмади - 14 ўйинда 2та гол ва 2та голли узатмага муаллифлик қилди. Дарвин Нуньес мавсумни 47 та ўйинда 7 та гол ва 7 та голли узатма билан якунлади.
