Испания терма жамоаси бош мураббийи Луис де ла Фуэнте ёш иқтидор эгаси Ламин Ямалга ортиқча талаблар қўйишдан огоҳлантирди.
Мавсумнинг ҳақиқий кашфиёти бўлган "Барселона"нинг 17 ёшли вингери матбуот ва мухлисларнинг катта эътиборига тушди, аммо терма жамоа устози уни вазминликка чақирмоқда.
- Мамлакатимизда аввал ўйинчиларни осмонга кўтариб, кейин ўшандай шиддат билан ўша ердан қулатиш одати бор. Битта хато - ва шундоқ ҳам: "У ортиқча баҳоланган," деган гап янграйди. Бу нотўғри. Ҳаддан ошмаслик керак - на муваффақиятдан эйфорияга, на муваффақиятсизликдан ваҳимага тушмаслик керак. Барчамиз совуққон бўлишимиз керак," - дея де ла Фуэнтенинг сўзларини келтиради Mundo Deportivo.
