Аргентина терма жамоаси ва Бирмингемнинг "Астон Вилла" клуби дарвозабони Эмилиано Мартинес Англиянинг бошқа клубига ўтиши мумкин. Бу ҳақда инсайдер Лео Парадизо хабар бермоқда.
32 ёшли аргентиналик футболчини "Манчестер Юнайтед" ўз сафига қўшиб олмоқчи. Манкунианликлар тажрибали дарвозабон билан музокара жараёнига киришди. Эмилианонинг бозор нархи 20 миллион еврога баҳоланмоқда.
Мартинес ўтган мавсумда "Астон Вилла"нинг 53 та ўйинида иштирок этди. 16 та учрашувда у ўз дарвозасини дахлсиз сақлаб қолди. Аргентиналик футболчининг "шерлар" билан амалдаги шартномаси 2029 йилнинг ярмигача мўлжалланган.
