Argentina terma jamoasi va Birmingemning "Aston Villa" klubi darvozaboni Emiliano Martines Angliyaning boshqa klubiga o‘tishi mumkin. Bu haqda insayder Leo Paradizo xabar bermoqda.
32 yoshli argentinalik futbolchini "Manchester Yunayted" o‘z safiga qo‘shib olmoqchi. Mankunianliklar tajribali darvozabon bilan muzokara jarayoniga kirishdi. Emilianoning bozor narxi 20 million yevroga baholanmoqda.
Martines o‘tgan mavsumda "Aston Villa"ning 53 ta o‘yinida ishtirok etdi. 16 ta uchrashuvda u o‘z darvozasini daxlsiz saqlab qoldi. Argentinalik futbolchining "sherlar" bilan amaldagi shartnomasi 2029 yilning yarmigacha mo‘ljallangan.
