Эстеван "Челси"га ўтиши ҳақида гапирди.
18 ёшли ҳужумчи клублар ўртасидаги жаҳон чемпионатидан кейин расман "кўклар" сафига бориб қўшилади. Унинг ҳисобида "Палмейрас" сафида Бразилия чемпионатида 43 та ўйинда 13 та гол ва 12 та голли узатма бор.
"Бу мен учун ҳамма нарсани англатади. Мен учун бу ҳақиқатга айланган орзу.
Мен доим Европада энг яхшилар билан бирга ўйнашни орзу қилардим. Чемпионлар лигаси ва Премьер-лига каби муҳим мусобақаларда иштирок этиш. Бу менинг ҳаётим учун жуда муҳим.
Мен ва оилам шуни орзу қилардик. Дунёнинг энг йирик клубларидан бирида ўйнаш - ажойиб имконият. Ва мен у ерга боришга ва имкон қадар тезроқ мослашишга умид қиламан. Мен ўйнамоқчиман. Бу мен қилишни энг яхши кўрадиган, завқланадиган нарса," - деди Эстеван.
