“Милан” ва “Наполи” клубларининг собиқ бош мураббийи Женнаро Гаттузо Италия терма жамоасини бошқаради.

Бу ҳақда жамоа матбуот хизмати хабар берди.

У жаҳон чемпионати саралашининг биринчи босқичида италияликларнинг Норвегиядан йирик ҳисобда мағлубиятга учраганидан (0:3) сўнг ишдан бўшатилган Лучано Спалетти ўрнига мураббийлик қилади.

Айтиш жоизки, 47 ёшли Гаттузо олдида қийин вазифа турибди – Италия терма жамоасини 2014-йилдан бери ўйнамаётган жаҳон чемпионатига олиб чиқиш.

Италия терма жамоаси навбатдаги ўйинини 5 сентябрь куни ўтказади.