Элдор Шомуродовнинг келажаги Америка қитъаси билан боғлиқ бўлиши мумкин.
L’Équipe нашри хабарига кўра, Ўзбекистон терма жамоаси ҳужумчиси МЛС клубларидан биридан аниқ таклиф олган. Жамоа номи ҳозирча сир тутилмоқда, аммо музокаралар фаол босқичда. "Рома" унинг ёзда кетиши вариантларини кўриб чиқишга тайёр.
Шомуродовнинг Рим клуби билан шартномаси 2026 йилнинг июнигача амал қилади, бироқ унинг фаолиятини АҚШда қайта бошлаш истиқболи барча томонларга маъқул келиши мумкин.













